ይድረስ ለኦህዴድ መሪዎች!

Tullu Liban

ትንሽ ወንድማዊ ምክር እንድለግሳችሁ ፍቀዱልኝ። ላለፉት 26 ዓመታት ያሳለፋችሁት የባርነት ዘመን ሕሊና ላለው ሰው እጅግ የሚሰቀጥጥ ነው። በሌላችሁ ስልጣን ስልጣን እንዳላችሁ፣ በሌላችሁ ክብር ክብር እንዳላችሁ፣ ባልተሳተፋችሁበት ትግል እንደታገላችሁ ተነግሯችሁ፣ ጄኔራል ሳትሆኑ ጄኔራል ተብላችሁ፣አምባሳደር ሳትሆኑ አምባሳደር ተብላችሁ፣ መሪ ሳትሆኑ ፕሬዚዳንት ተብላችሁ፣ ሳትማሩ ድግሪ ተሰጥቷችሁ ለወያኔ መጫወቻ አሻጉገሊት ሆናችሁ ኖራችኋል። ወያኔ ከአባታችሁ ቤት በአካፋ እየዛቀ ሲዘርፍ እናንተ በማንኪያ ትንሽ ብትሰርቁ ሙስና ሰርታችኋል ብሎ እያሸማቀቃችሁ ጥባጥቤ ተጫውቶባችኋል። ወያኔዎች ሰማይ ጠቀስ ፎቅ እየሠሩ እናንተ መጠነኛ መኖሪያ ቤት ስትሠሩ በግምገማ እሳት ላይ ጥደውአችኋል። መቼም ህሊናችሁንም የኦሮሞንም ህዝብ መዋሸት አትችሉም። በየትኛውም መስሪያቤት አንድ ቀጭን ትግሬ ካለ የቱንም ያህል እውቀት ቢኖራችሁ፣ የቱንም ያህል በሥልጣን ተዋረድ የባላይ ብትሆኑ ውሳኔ ሰጭው ትግሬው እንደሆነ ታውቃላችሁ። ይህን የበታችነት ደረጃ አሜን ብላችሁ ይህን ውርደት ተሸክማችሁ ሩብ ምዕተ ዓመት ኖራችኋል። መቼም ሕሊና ላለው ሰው ይሄ ያማል።

የትልቅ ህዝብ ተወካይ ነኝ የሚል ሰው በአባልባሌ ተራ ማይም ትግሬ ሲናቅና እንደ አሽከር ሲላላክ ያማል። ጥሩ ለብሳችሁ አጊጣችሁ ይሆናል። ጥሩ መኪና ነድታችሁ ይሆናል። ጥሩ መኖሪያ ቤት ገንብታችሁ ይሆናል። ዳሩ ምን ያደርጋል ይህ ሁሉ እርግማን ይሆንባችኋል። ባዶነታችሁን ያሳበቅባችኋል። የደም ሀብት ነው። አላፊ አዱኛ ነው። ይህ ሁሉ ሆኖ አሁን የነጻነት ጎህ የቀደደ ይመስላል። ዕድሜ ለኦሮሞ ሕዝብ ትግል እናንተም ነጻ የምትወጡበት ጊዜ ሩቅ አይሆንም። አደራችሁን ካሁን በኋላ በኦሮሞ ሕዝብ ትግል ፊት እንዳትቆሙ። እናንተ ስላተዋረዳችሁት፣ ራሳችሁም አንሳችሁ ስላሳነሳችሁት፣ አልባሌ ሆናችሁ በአልባሌ ቡድን ስላስጠቃችሁት እንጂ የኦሮሞ ህዝብ ከኦነግ ጋር አልቆረበም። ኦነግ የኦሮሞን ህዝብ የልብ ትርታ ስላወቀ ጥያቄዎቹን ጥያቄው ስላደረገ ነው መንፈስ ሆኖ የቀጠለው።ኦህዴድ ነኝ ማለት የሚያሳፍራችሁ የሠራችሁት ነውር ስራ አፍ አውጥቶ ስለሚናገር ነው። ኦነግ መባል በኦሮሞ ህዝብ ዘንድ ያስብከር እንደሆን እንጂ አፍሳሮ አያውቅም። እናንተው የገደላችኋቸው አንድ የመንዲ አዛውንት ያሉትን ልንገገራችሁ። የናንተው ነፍሰ ገዳዮች ያዟቸውና “እርስዎ ምግብ እያመላለሱ ኦነግን ጫካ ውስጥ ይቀልባሉ ” አሏቸው። ቆፍጣናው አባትም “እውነት ነው ለአንበሶቹ ስንቅ አመላልሳለሁ። ውሻ ግን አልቀልብም። እስቲ ውሻ ሆነህ ለጌቶችህ እመንደር ውስጥ ከምታድነኝ አንበሳ ሁንና ጫካ ግባ እንደማልቀልብህ ታያለህ” አሏቸው። ግን ውሾቹ በሏቸው።

ኦነግ ኖረም አልኖረ የኦሮሞን የሀገር ባለቤትነት፣ የሥልጣን ባለቤትነት፣ ሰላምና ብልጽግና ለማስመለስ የተጋ ሁሉ ክብርና ሞገስ አለው። አሁን በመጨረሻ ሰዓትም ቢሆን ይህ ዕድል እንዳያመልጣችሁ። የፈሪ ሞት ሳይሆን የጀግና ሞት ሙቱ። ለዓመት በዓል ዋዜማ ዶር አብይ አህመድ አንድ ልብ የሚነካ ንግግር አድርጎ ነበር። “ሁላችንም እንሞታለን ሞት አይቀርምና”ነው ያለው ባልሳሳት። አዎን ሞት አይቀርም። ጄኔራል ታደሰ ብሩ ከናንተ የተሻለ ሀብት፣ ማዕረግ፣ ክብርና ሞገስ ነበራቸው። ከወገናቸው ክብር ግን አልበለጠባቸውም። ብዙዎቹ በእስር ቤት የሚማቅቁት፣ የሞቱት እና የተሰዱደት እንናንተ የምኖሩትን ኑሮ ቢፈልጉ ኖሮ በሩ ሰፊ ነበር። እስቲ አሁን ለሕሊና መኖር ጀምሩ። እናንተ ማገር ሆናችሁ ባትይዙት ግድግዳ ሆናችሁ ባትደግፉት እኮ እንኳን በላያችሁ ላይ ጥሬ አሩን ሊያራና ወያኔ ወይ ተጠራርጎ ከኦሮሚ ይወጣል ወይ በናንተ ተርም ቀጥ ብሎ ይኖራል። መንገዱ እኮ ቀላል ነው። እናንተ በፌዴራል ምክር ቤት 190 መቀመጫ አላችሁ። በኦሮሚያ ጉዳይ ላይ ያለ ፍርሃት ድምጻችሁን አውጥታችሁ ተከራከሩ። ኦሮሚያን የሚጎዳ ውሳኔ ሊተላለፍ ሲል በድምጻችሁ ውድቅ አድርጉት። የማይስማማችሁ አሠራር ሲኖር ከፌዴራል ሥርዓቱ ለመውጣት እንደምትገደዱ ለሕዝባችሁ በግልጽ ተናገሩ።

የኦሮሚያ ምክር ቤት በምትሉት ስብሰባ በክልላችሁ ጉዳይ ማንንም ሳታስፈቅዱ ውሳኔ ስጡ። ለወያኔ ይህ የኛ ጉዳይ ነው በሉት። ምን ሲሆን ነው የትሬው አፍሮ ጽዮን የናንተን የባህል ማዕከልና ጽ/ቤት የሚገነባው? ለዚያውም ከደረጃ በታች፤ ከውሉ ውጭ። ኦሮሚያ ዲዛይነርናኮንትራክተር የለውም? ለምንድነው የኦሮሚያ ውሃ ስራዎች ድርጅት ስራ ፈቶ እያለ በኦሮሚያ ውስጥ የሚሠሩ የውሃ ልማት ሥራዎች ለትሬው ሳባ ኮንስትክራሽን የሚሰጡት? እስከ መቼ ነው የመከላከያ ጃኔራሎች ስብጥር 99 ከመቶ በትግሬ የሚያዘው? እስከ መቼ ነው የደህንነት መስሪያቤቱ በትግሬ የሚዘወረው? እስከ መቼ ነው ቁልፍ የፏይናንስ ተቋማቱና ትልልቅ ካፒታል አንመጭ ተቋማት ለምሳሌ የኢትዮጵያ አየር መንገድ፣ ቴሌሙንኬሽን፣ ጉምሩክ፣ የኢትዬጵያ መንገዶች ባለሥልጣን ወዘተ የትግሬ የግል ንብረት የሚሆኑት? መቼ ነው ትልልቅ ካምኒዎች የአላሙድ የወርቅ ማምረቻ ጭምር ለኦሮሚያ ግብር የሚከፍሉት? ኦህዴዶች፤ ወይ መሆን ነው ወይ አለመሆን ነው ምርጫችሁ። የፊንፊኔ ጉዳይና የአፋን ኦሮሞ ጉዳይ ገና ጊዜ የማይሰጠው የቤት ሥራ ነው። የህዝባችንን መፈናቀልና ጥቃት ያስከተለው የድንበር ጉዳይ የምትተኙበት የቤት ሥራ አይደለም። አሁኑኑ እልባት ማግኘት አለበት 26 ዓትመ ሙሉ ስትተኙ ከርማችሁ አሁን ማጣፊያ ሊያጥራችሁ ነው። መቼም ታረጉታላሁ ብለን አይደለም። ትልቅ የበታችነት የሥነ ልቦና በሽታ አለባችሁና። ከሰማችሁ ስሙ ህዝባችንን አስታቁት እንጂ ትጥቁን አታስፈቱት። አዲስ አብባ ያለ ትግሬ ሳይርቀ በነፍስ ወከፍ እየታጠቀ ኦሮሞ በራሱ ገንዘብ የገዛውን ትጥቅ ለምንድነው የሚፈታው። ስሙማ በደርግ ጊዜም ቢሆን ትጥቁን እንዲፈታ የተገደደው የኦሮሞ ህዝብ ብቻ ነው። ጁነዲ ሳዶ በሥልጣን ዘመኑ ከ200 ሽህ ህዝብ በላይ ትጥቅ በስማፈታት ታሪክ ይቅር የማይለው ስህተት ሠርቷል። ዛሬ ህዝባችን ለአብዲ ኢሌ ጥቃት የተጋለጠው ትጥቅ ስለሌለው ነው።
እኔ ልምከራችሁ ወያኔ ጠፍሮ የሚያስራችሁ አብዮታዊ ዲሞክራሲ፣ ዲሞክሲዊ ማዕከላዊትነና ግምገማ በሚባሉ የታወቁ ገመዶቹ ነው። በዚህ ጠልፎ ይጥላችኋል። ይህንን በቃን በሉት። እናንተ አትገመግሙንም በሏቸው።ዴሞራሲያዊ ማእከላዊነት የሚባለውን ሰውን እንደ ግዑዝ የፓርቲ ቁሳቁስ የሚቆጥረውን የሶሸሊስት አስተሳሰብ ከዛሬ ጀምሮ በቃን በሏቸው። በኢህአዲግ ማዕከላዊ ኮሚቴና በሥራ አስፈጻሚ ኮሚቴው ውክልናችሁ በምትወክሉት ህዝብ መጠን እንዲሆን ተከራሩና አስወስኑ። ይህን ለማድረግ ከወሰናችሁ ህዝባችሁ ከጎናችሁ አለ። ይህን ካላደረጋችሁ የተለመደ የተላላኪነት ሥራችሁን እየሠራችሁ ህዝባዊ ማዕበሉ ጠራርጎ ይወስዳችኋል። አሟሟታችሁም የውሻ ሞት ይሆናል። ፍጠኑ ጊዜ የላችሁም። ጨረስኩ። ልቦና ይስጣችሁ።

 

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s